آآآآ ياعين

من طرف **al_zoory** الثلاثاء سبتمبر 08, 2009 1:51 pm

آآآه ياعيـنٍ بكـت من فقد غالي ** يالله المـطلوب لاتقطـع رجاها
عـزّتي للي جرى له ما جرى لي ** ان ضـحك بالسـر عبراته جناها
عادت الايام واحـداث الليالي ** تحرم النفس العليله من دواها
الهوي حـمله ثقيـلٍ كالجبالي ** من تـولع بالهـوى نفسه قصاها
طال سـهر العين واعزّي لحالي ** وابعـدت الايام عن عيني مناها
واهني اللي من اللوعات خالي ** مـاعـرف مـر الليالي من حلاها
اثـري بحر الحب غباته طوالي ** تتعـب السباح ما يلحـق وراها